Divya Deshmukh Net Worth : 19 વર્ષની દિવ્યા દેશમુખ બની ચેસની વર્લ્ડ ચેમ્પિયન, કોનેરુ હમ્પીનું સપનું તૂટ્યું; જાણો દિવ્યા દેશમુખની નેટવર્થ કેટલી છે ?

Divya Deshmukh Chess : ભારતની યુવા ચેસ ખેલાડી દિવ્યા દેશમુખે ઈતિહાસ સર્જી દીધો છે. વાસ્તવમાં દિવ્યા દેશમુખે મહિલા ચેસ વર્લ્ડ કપ 2025નો ખિતાબ જીત્યો છે. માત્ર 19 વર્ષની દિવ્યાએ જ્યોર્જિયામાં આયોજિત આ વર્લ્ડ કપની ફાઇનલમાં ભારતની દિગ્ગજ ખેલાડી કોનેરુ હમ્પીને હરાવીને આ ખિતાબ જીત્યો હતો. આ સાથે દિવ્યા દેશમુખ વર્લ્ડ કપ જીતનાર પ્રથમ ભારતીય મહિલા ચેસ સ્ટાર બની. નોંધનીય છે કે, ગયા વર્ષે જ દિવ્યાએ જુનિયર વર્લ્ડ ચેમ્પિયનનો ખિતાબ જીત્યો હતો અને હવે તે મહિલા ચેસ વર્લ્ડ કપની ચેમ્પિયન પણ બની છે. એટલું જ નહીં આ ખિતાબ જીતવાની સાથે તે હવે ભારતની ચોથી મહિલા ગ્રાન્ડમાસ્ટર પણ બની ગઈ છે. એટલું જ નહીં દિવ્યા ભારતની ચોથી મહિલા ગ્રાન્ડમાસ્ટર પણ બની છે. તેની જીત બાદ ચાહકો તેને સોશિયલ મીડિયા પર અભિનંદન આપી રહ્યા છે. દરમિયાન, ચાહકો તેના વિશે વધુ જાણવા માટે ઉત્સુક છે. ચાલો આજે દિવ્યા દેશમુખની નેટવર્થ વિશે જાણીએ.

► દિવ્યા દેશમુખે ટાઈ-બ્રેકમાં દેશબંધુ કોનેરુને હરાવી 

હકીકતમાં, FIDE મહિલા ચેસ વર્લ્ડ કપની ફાઇનલ મેચ શરૂઆતથી જ ટાઈ રહી હતી અને રવિવારે ક્લાસિકલ રાઉન્ડ ડ્રો થયા બાદ, મેચ ટાઈ-બ્રેકમાં ગઈ. ટાઈ-બ્રેકની પહેલી રેપિડ ગેમ ડ્રો રહી, જ્યારે બીજી ગેમમાં પણ એવું લાગતું હતું કે મેચ બીજી ડ્રો તરફ આગળ વધી રહી છે. પરંતુ સમયના અભાવના દબાણે હમ્પી પર ભારે અસર કરી અને તેની કેટલીક ભૂલોનો દિવ્યાને ફાયદો થયો. દિવ્યાએ આ તકનો પૂરો લાભ લીધો અને ટાઇ-બ્રેક 1.5-0.5થી જીતીને ઇતિહાસમાં પોતાનું નામ નોંધાવ્યું. આ જીત સાથે, દિવ્યા દેશમુખ ભારતની 88મી ગ્રાન્ડમાસ્ટર પણ બની ગઈ છે.

► દિવ્યા દેશમુખની નેટ વર્થ કેટલી છે?

દિવ્યા દેશમુખની નેટવર્થ લગભગ 7-8 કરોડ રૂપિયા છે. ચેસ તેની આવકનો મુખ્ય સ્ત્રોત છે.

► દિવ્યા દેશમુખ વિશે રસપ્રદ તથ્યો જાણો

• દિવ્યા દેશમુખ ભારતની યુવા ચેસ મહિલા ગ્રાન્ડમાસ્ટર છે.

• દિવ્યા દેશમુખના માતાપિતા બંને ડૉક્ટર છે.

• દિવ્યાએ પાંચ વર્ષની ઉંમરે ચેસ ટુર્નામેન્ટ રમવાનું શરૂ કર્યું હતું.

• દિવ્યા દેશમુખે 2012માં પાંચ વર્ષની ઉંમરે રાષ્ટ્રીય અંડર-7 ચેમ્પિયનશિપ જીતી હતી.

• દિવ્યાએ ડરબનમાં અંડર-10 ટુર્નામેન્ટ પણ જીતી છે.

• દિવ્યા દેશમુખે 2017માં બ્રાઝિલમાં યોજાયેલી અંડર-12 ટુર્નામેન્ટમાં પણ ભાગ લીધો હતો અને તેમાં પણ જીત મેળવી હતી.

• દિવ્યા 2023માં આંતરરાષ્ટ્રીય માસ્ટર બની છે.

• વર્ષ 2024માં દિવ્યાએ વર્લ્ડ જુનિયર ગર્લ્સ અંડર-20 ચેમ્પિયનશિપ જીતી હતી.

• આ ઉપરાંત દિવ્યાએ ત્રણ ચેસ ઓલિમ્પિયાડમાં ગોલ્ડ મેડલ પણ જીત્યા છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Divya Deshmukh Chess Networth : Chess World Cup 2025 - Koneru Humpy Women Chess ChampionIndian Chess History